Матбугат үзәгеннән көн рецепты – сырдан һәм кивидан бутерброд

Сезгә сырдан һәм кивидан бутерброд рецептын тәкъдим итәбез.

Кирәк булалар:

- киви - 1 данә;

- сыр - 50 грамм;

- майонез - 2 аш калагы;

- сарымсак - 1 тырнак;

- петрушка;

- ак күмәч.

Күмәчне телемнәргә кисәбез. Аларны майланган табага салып, ике ягын да кыздырып алабыз.

Сыр һәм сарымсакны угычта уабыз. Петрушканы вак итеп турыйбыз.

Сыр, сарымсак, петрушканы майонез салып болгатабыз.

Әзер катнашманы күмәч өстенә ягабыз. Кивины әрчибез һәм боҗралап турыйбыз.

Киви боҗраларын күмәч телемнәре өстенә куябыз.

Әзер бутербродларны, тәлинкәгә куеп, табынга чыгарабыз.