Җәлиллеләр грант оттылар

М.Г.Юзлибаев исемендәге Җәлил балалар музыка мәктәбе муниципаль берәмлекләр учреждениеләренең сәнгать һәм мәдәният иҗат коллективлары проектларына теләктәшлек йөзеннән булган Татарстан Республикасы Хөкүмәте грантларын алу бәйгесендә катнашып, “Сәнгати-эстетик белем” номинациясендә “Яңарыш” проекты белән 150 мең сумлык грант отты.
- Әлеге акчаларга музыкаль уен кораллары алырга һәм “Өмет” татар гармунчылар һәм тальянчылар инструменталь ансамбле өчен милли сәхнә костюмнары тектерергә ниятлибез. Мондый максатчан ярдәм безнең эшчәнлеккә стимул бирә, - ди проект җитәкчесе, мәктәп директоры Лилия Дәүләтшина.

Альбина Сабирова