Колакны мамыклы таякчык белән чистартуның, тамакны чайкауның нинди куркынычы бар?

Табиб-отоларинголог Лилия Хәйретдинова сүзләренчә, колакны мамыклы таякчык белән чистартырга ярамый. Таякта мамык аз, ул бик җиңел төшә, җитди трамва алу ихтималы барлыкка килә. Мамык колакта калса, аны табиб кына ала ала. Бу турыда «Челнинские известия» хәбәр итте.

Табиб бер очракны искә төшерә. Бер ир-ат теш чистарта, шул чакта колагында мамыклы таякчыкны онытып калдыра, аннары кисәк кенә иелә һәм колак барабаны ярысы ертыла. Табиб ярдәм күрсәткәндә, бу ир-атның кан басымы күтәрелә һәм гипертоник криз була.

ЛОР-табиб колакны җылы су белән юарга яки дымлы салфетка белән сөртергә киңәш итә.

Тамак авыртканда, аны фурацилин яки хлоргексидин белән чайкарга була, моның өчен табибка барырга кирәкми. Ләкин башка барлык чараларның (мәсәлән, ромашка) аллергия китереп чыгаруы, калкансыман бизгә зыян китерүе, шешенү барлыкка китерүе мөмкин, дип кисәтә табиб.

Шулай ук борынга сала торган яки борынны чайката торган препаратлар белән дә сак булырга кирәк. Башны бик нык аска игән очракта, бу дару колакка керә һәм ялкынсыну барлыкка китерә, ди ул.

Тулырак: https://intertat.tatar/news/questions_answers/10-03-2022/kolakny-mamykly-tayakchyk-bel-n-chistartuny-tamakny-chaykauny-nindi-kurkynychy-bar-5850930