Көндез йокы килүнең сәбәпләре
Өч ай буена көндез йокы төшүдән интексәгез, кичекмәстән табибка күренергә кирәк.
Көндез йокы килү сәбәбен сомнолог табиб Роман Бузунов «Пятый канал» эфирында сөйләде.
Аның сүзләренчә, көндез йокымсырау яки гиперсомния тәүлегенә сигез сәгать йоклаган кешеләрдә дә була. Әгәр кеше төнлә гырласа, гырлау кыска вакытка сулыш алу тукталу белән бергә булса, көндез кеше йокымсырый башларга мөмкин. Гырлаганда сулыш алу тукталганда, кислород җитмәгәч, баш мие уянып ала.
«Тынгысыз аяклар» синдромы да көндез йокы килү сәбәбе була. Мондый кешеләр гел аякларын, кулларын селкеткәли.
Д һәм В витаминнары, тимер җитмәсә дә кеше көндез йокымсырый.
Әгәр көндез йокы килүдән өч ай чамасы интексәгез, табибка барырга кирәк, диелә бу хәбәрдә.
Следите за самым важным и интересным в Telegram-каналеТатмедиа
Нет комментариев