Хөкүмәт ярдәменнән район балалары да файдалана ала

Яшь ярымнан алып өч яшькә кадәр балалар өчен пособиены яшәү минимумына кадәр арттырырга тәкъдим итәләр. Бу хакта Министрлар Кабинеты башлыгы Дмитрий Медведев җиткерде дип яза РИА Новости.

"Сүз яшь ярымнан өч яшькә кадәр балалары булган гаиләләргә түләнә торган 50 сум хакында", — дип сөйләде Медведев бала карау өчен түләүләр системасын реформалаштыру турында фикер алышкан киңәшмәдә.

"Тәкъдим шуннан гыйбарәт: балага 1,5 яшьтән алып өч яшькә кадәр әлеге компенсация түләүләре төбәктә баланың яшәү минимумы күләмендә билгеләнергә тиеш. Ләкин гражданнарның барлык категорияләренә түгел, ә керемнәре аерым хисап таләп иткән күләмнән түбән булган гаиләләргә генә. Без хәзер бу хакта эшкә яраклы халык буенча сөйләшәчәкбез", — дип аңлатты премьер.

Министрлар Кабинеты башлыгы киңәшмә нәтиҗәләре буенча мәсьәлә дәүләт башлыгына тәкъдим ителәчәк, диде.

Бу хакта тулырак: https://tatar-inform.tatar/news/2019/06/18/188308/