Хезмәткә чакыру комиссиясе көзге чебешләрен барлый

Бүген район хәрби комиссариат бүлегендә көзге чакырылыш буенча чираттагы комиссия утырышы узды. Аны комиссия рәисе – район Башкарма комитеты җитәкчесе урынбасары Индира Сәхипова алып барды. Утырышка 4 егет килгәннәр иде. Барысы да бүгенге көндә армия хезмәтенә китәргә әзерләр. Берсенең кулында армиягә чакыру кәгазе дә бар. 26 октябрь көнне ул Ватан алдындагы хәрби бурычын үтәргә китәчәк. Ә көзге чакырылышның беренчесе 19 октябрьдә булачак.
Гомумән, районда әлегә кырыкка якын егет хезмәткә кичектерү алган. Алар һөнәри белем бирү учреждениеләрендә укыйлар, яки сәламәтлекләре буенча дәвалану үтәләр.

Альбина Сабирова язмасы һәм фотолары