Кем чүпли, кем җыештыра? – эшне тигез бүлешик, райондашлар

“Чисталык мәсьәләсен торгызып, дөрес эшләгәнсез. Газетада да, сайтта да укыдым. Ял итә торган урыннардагы тәртипсезлекне күреп, йөрәк әрни иде. Бу, чыннан да, шулай бит. Ял иткәнсең икән, нигә дип үзең артыннан пычратып китәргә? Бу эгоистлыкмы, тәрбиясезлекме әллә начарлык эшлисе килүме? Шимбә көнне оныгым белән “Дулкын” артындагы ял мәйданчыгына чыктык. Андагы чүп-чарны, ватык эскәмияләрне күреп, шаккатым. Онык алдында хәтта оят булып китте. Нинди үрнәк күрсәтәбез инде без? Түзмәдем, фотога төшереп, сезгә дә җибәрергә булдым. Кемнәр чүпли, ник чүпли, ник җимерә микән булган матурлыкны? Булмаса, юк, диләр, булгач - сакламыйлар. Гаҗәп хәл бит бу!”
Бер райондашыбыздан менә шундый эчтәлектәге хат алдык без. Ә бит дөрес язылган. Кем чүпли? Кем гаепле? Хәзер шул сорауга җавап эзләп карыйк әле, дуслар.

Альбина Сабирова