Реклама
Җәмгыять
Каташ Каран авылында Гражданнар оборонасы буенча укулар үтте
25 октябрь көнне Каташ Каран авылы мәдәният йортында Татарстан Республикасы Гражданнар оборонасы һәм гадәттән тыш хәлләр министрлыгының район һәм Чаллы шәһәре бүлекләре җаваплы хезмәткәрләренең киңәшмәсе үткәрелде. Анда Чаллы шәһәренең 180 оешмасыннан гражданнар оборонасы буенча җаваплы вәкилләр, Сарман районының авыл һәм поселок җирлекләре башлыклары, эвакуацияләнүчеләрне кабул итү пунктлары җитәкчеләре (мәктәп директорлары)...
25 октябрь көнне Каташ Каран авылы мәдәният йортында Татарстан Республикасы Гражданнар оборонасы һәм гадәттән тыш хәлләр министрлыгының район һәм Чаллы шәһәре бүлекләре җаваплы хезмәткәрләренең киңәшмәсе үткәрелде. Анда Чаллы шәһәренең 180 оешмасыннан гражданнар оборонасы буенча җаваплы вәкилләр, Сарман районының авыл һәм поселок җирлекләре башлыклары, эвакуацияләнүчеләрне кабул итү пунктлары җитәкчеләре (мәктәп директорлары) катнаштылар.
- Җыелуның максаты - гадәттән тыш хәлләр булган очракта эвакуацияләнүчеләрне (Чаллы шәһәре халкын) кабул итү һәм урнаштыруны оештыру, - диде бу уңайдан гражданнар оборонасы өлкәсендә район буенча әйдәүче-консультант Рафаэль Хәйдәров. - Моңа хәзерлек алдан ук башланды. Халыкны кабул итү, урнаштыру, беренчел яшәү шартларын тәэмин итү һәм башка оештыру мәсьәләләре тагын бер кат күздән кичерелде, халыкны урнаштыру пунктларын өйрәнү һәм ордер бирүне исәпкә алуның торышы тикшерелде, хезмәт күрсәтүче оешмаларның исемлеге, аларның әзерлеге барланды.
Киңәшмәгә эвакуацияләнүчеләрне кабул итү комиссиясе рәисе - район Башкарма комитеты җитәкчесе урынбасары Индира Сәхипова җитәкчелек итте. Медицина тәэмин итүе буенча җаваплы оешма итеп - район үзәк хастаханәсе, туклану мәсьәләләре буенча - "Нөркәй", "Сарман", "Җәлил" агрофирмалары, әйбер һәм азык продуктлары белән тәэмин итү буенча "Сарман кооператоры" җәмгыяте билгеләнгән иде.
Киңәшмә барышында гадәттән тыш хәл булган очракта эвакуацияләнгән халык урнаштырылырга тиешле корылмалар исемлеге барланды һәм аларга расчет ясалды, торак һәм торак булмаган корылмаларга ордер бирелде, эвакуацияләнгән халыкка хезмәт күрсәтү буенча Чаллы оешмалары белән килешүләр, эвакуацияләнгән халык урнаштырылырга тиешле корылмаларны тикшерү актлары төзелде.
Шулай ук укыгыз:
Иске Кәшер авылында Гражданнар оборонасы буенча өйрәнү узды
Следите за самым важным и интересным в Telegram-каналеТатмедиа
Нет комментариев