Кадет классы үзен кадетларча тотты

30 апрельдә Сарман гимназиясенең кадет классында район күзәтчелек эшчәнлеге бүлекчәсе һәм 131нче янгын часте тарафыннан "Тормыш иминлеге нигезләре" курслары буенча Бөтенроссия ачык дәресе үткәрелде. Коткаручы һәм янгын сүндерүче һөнәрләрен популярлаштыруны, гадәттән тыш хәлләрдә югалып калмау, үзеңне һәм тирә-юньдәгеләрне саклый белү, бәлагә тарганнарга ярдәм күрсәтә алу күнекмәләрен булдыруны максат итеп куйган әлеге дәрес барышында практик күнекмәләр дә үтелде. Кадет классы укучылары, район янгынчылары белән берлектә, янган автомобильне сүндерерделәр, эчендә кеше калган очракта, машинаны кисеп, аны коткару алымнарын күрсәттеләр.