Иске Кәшер мәктәбендә “Хезмәт урыным - Әфган” дип аталган чара узды

"Сарман: иң яңа хәбәрләр", 22 февраль 2020 - 10:23

1174

Әфганстан җиреннән Совет гаскәрләрен чыгарылуга быел 31 ел булды. Шул уңайдан Зиннәт Хәсәнов исемендәге Иске Кәшер урта гомумбелем бирү мәктәбендә “Хезмәт урыным - Әфган”- дип аталган класстан тыш чара үтте.

Чарада укучылар, безнең җирлектән Әфган илен, Әфган җирен үз күзләре белән күргән, анда барган сугышларда катнашкан ветераннар белән очрашты. Алар хатирәләре белән уртаклаштылар, укучыларны кызыксындырган сорауларга җавап бирделәр. Һәм укучыларга егет кешегә армиягә баруның кирәклеген искәртеп үттеләр. Ватанны саклау - ир-егетнең изге бурычы. Чын ирләр өчен бу элек тә шулай булган һәм хәзер дә! Очрашу бөтен җир шарында тынычлык булсын, сугыш-афәтләр булмасын дигән теләкләр белән тәмамланды.