Райондашларыбыз Ильмир һәм Айгөл тормышларындагы иң бәхетле – кавышу көнен Татарстан Конституциясе көне белән бәйләгәннәр

Көз айларын халыкта юкка гына "туй айлары" дип йөртмиләрдер. Гражданлык хәле актларын теркәү бүлегеннән алынган мәгълүматларга караганда, сентябрь аенда - 25, октябрь аенда - 14, ноябрь аенда бүгенге көнгә 5 пар язылышкан. Аларның 9 ы - икенче тапкыр никахка керүчеләр.

Ә рәсемдәге яшь парлар Ильмир Бакиев һәм Айгөл Ахунова тормышларындагы иң бәхетле - кавышу көнен Татарстан Конституциясе көне белән бәйләгәннәр: алар нәкъ шушы көнне кулларына язылышу турында таныклык алганнар.

Барлык парларны да тормышның кырыс җилләре читләтеп үтсен, мәхәббәтләре тигез, никахлары гомерлек булсын иде.