Июльдә җыела торган үләннәр

Июльдә җыела торган үләннәр:

Су борычы (горец перечный) – тире авырулары вакытында кулланыла.

Сары мәтрүшкә – ашкайнатуны һәм йөрәк эшчәнлеген яхшырта, канны туктата, тынычландыра, ютәлдән коткара, стоматит һәм гингивит вакытында кулланыла.

Кылыч үлән (аир, җир тамыры) – авыртуны баса, тынычландыра, ялкынсынуга каршы файдаланыла, температураны төшерә.

Сазанак (багульник, чабыр үләне) – үпкә авырулары, бөер, ашказаны-эчәклек, тоз утыру авыруларыннан, ревматизмнан коткара.

Җир җиләге һәм каен җиләге яфраклары – матдәләр алмашын яхшырта, организмдагы тозларны чыгара, ангина вакытында булыша.

Әрекмән тамыры – чәчне ныгыта.

Каен яфраклары – организмнан шлакларны чыгарырга, канны чистартырга булыша.

 Мәтрүшкә – салкын тигәннән, йокысызлыктан файдаланыла, нерв системасын тынычландыра.

Файда китерсен дисәң, дару үләннәрен вакытында һәм дөрес итеп җыярга да кирәк, дуслар!