Германиядә хезмәт иткән якташлар бәйрәмнәрен билгеләп үтәләр

"Сарман: иң яңа хәбәрләр", 9 июнь 2023 - 10:18

694

9 июньдә Германиядә совет гаскәрләре төркемендә хезмәт итүчеләр үзләренең бәйрәмнәрен билгеләп үтәләр.

Бүген район үзәк ял паркында да тантаналы чара үтте.
Гаскәрдәшләрен бәйрәм белән Сарман һәм Мөслим районнары буенча хәрби комиссариатның хәрби хезмәткә әзерләү һәм чакыру бүлеге начальнигы Ленар Һадиуллин тәбрикләде. Котлау сүзләренә районның «Хәрби кардәшлек» оешмасы вәкилләре дә кушылдылар. Германиядә хезмәт итүчеләргә бүләкләр дә тапшырылды. Алар район музеенда үз почмакларын булдырырга сүз куештылар, мемориалларга чәчәкләр салдылар.