Чукмарлы авылында бәйрәм итәләр

Олуг юбилее уңаеннан бик куп котлаулар кабул итте ветеран укытучы. Кичә зурлап Корьән ашы үткәрделәр, туганнары, авылдашлары килделәр. Юбилярга авыл җирлеге җитәкчелеге дә тәбрик сүзләре ирештерде. Бүген исә Зөлфия Нух кызын район ветераннар Советы рәисе Асыляр Харисов котлады, изге теләкләрен җиткереп, истәлек бүләге, район башлыгы Фәрит Хөснуллинның Рәхмәт хатын тапшырды. Россия пенсионерлар берлегенең район бүлекчәсе җитәкчесе Нурсинә Хәйруллина, Зөлфия апаның укучылары, авылдашлары - мәгариф бүлеге начальнигы урынбасары Газинур Габидуллин, профком рәисе Илдар Хадиев, улы Альбертның хезмәттәшләре - Петровский Завод мәктәбе укытучылары, юбилярның беренче чыгарылыш укучылары, балалары, оныклары хөрмәт hәм тәбрик сүзләре әйттеләр, хатирәләре белән уртаклаштылар. Ветеран укытучының үзенең дә искә алып сөйләрлек матур истәлекләре күп иде.