Бәйрәм көннәрендә поликлиника ничек эшли?

Район үзәк хастаханәсе поликлиникасыннан хәбәр итүләренчә, 7 май көнне поликлиникада дежур табиб-терапевт һәм лаборатория эшләячәк. 8 һәм 9 май көннәре – ял көннәре. Әгәр ашыгыч рәвештә медицина ярдәме кирәк була икән, хастаханәнең ашыгыч ярдәм бүлегенә мөрәҗәгать итәргә мөмкин. Ярдәм кирәк пациент өчен кирәкле табибны тиз арада чакыртачаклар, шулай ук лаборатория дә тәүлек буе эшли. Коронавирустан вакцинаны да ашыгыч ярдәм бүлегендә ясатырга була.