Алмаз hәм Зөлфирә Мирзаяновлар нәсел җебен барладылар

Республикада танылып килүче яшь җырчыларыбыз Алмаз hәм Зөлфирә Мирзаяновлар да "Чулпан" үзәгендә узучы Сарман мәдәният көненә якташлары янына килгәннәр иде. Алмазның әнисе Сәрия ханым - чыгышы белән районның Бикмәт авылыннан. Чарада аның икетуганы - калфак, изү, эпоксит сумала белән ясау остасы Галия Абзалова да катнаша. Җырчылар аның белән дә күрештеләр. Алмаз үзенә татар бүреге сайласа, Зөлфирә кулдан ясалган эксклюзив сумка алды.