Әлфис абый белән Гөлүсә апага медаль тапшырылды

Шул уңайдан 6 июль көнне район үзәгендәге Татар Илеге паркында зур бәйрәм үткәрелде. Бәйрәм барышында Сарманда яшәүче Әлфис һәм Гөлүсә Рәҗәповлар гаиләсенә «Мәхәббәт һәм тугрылык өчен» медале тапшырылды.

Әлфис абый белән Гөлүсә апа икесе дә Урта Кәшер авылында туып-үсәләр, бер-берсен балачактан ук беләләр. Әлфис абый хезмәт юлын «Искра» колхозында башлый, аннан соң лаеклы ялга чыкканчы «Сельхозтехника» берләшмәсендә шофер булып эшли. Гөлүсә апа исә башта туган авылы клубын җитәкли, аннан соң 30 елдан артык сәүдә тармагында тырыш хезмәт куя. Икесе дә күпьеллык намуслы хезмәтләре өчен «Хезмәт ветераны» исеменә, район һәм республика бүләкләренә лаек булалар. Бергәләп ике ул үстерәләр.