Сарманлылар СПИДка бушлай тест бирә алалар

Һәркем тест бирә ала

Татарстанда үткәрелүче махсус акция нигезендә, 22 ноябрьдән башлап ике атна дәвамында һәр теләгән кеше ВИЧка бушлай экспресс-тест үтә ала.

Моның өчен безгә иң якын урын - Әлмәт районында Яңа Мактама поселогында урнашкан үзәк. Биредә шулай ук түләүсез психолог, йогышлы авырулар табибы киңәшләрен дә алырга була.

Ә 27 ноябрьдә Казанда махсус телефон эшли башлаячак. Алар буенча экспертларга СПИДка кагылышлы теләсә-нинди сорауны бирергә мөмкин. "Кайнар линия" телефоны түбәндәгечә: 8 (843) 238-53-68 (9.00-18.00 сәгатьләрдә). Ял көннәрендә 8 (843) 238-98-54 телефоны буенча 9.00-17.00 сәгатьләрдә мөрәҗәгать итәргә була.

материалны:Зөлфия Шәрипова әзерләде

фото:https://pixabay.com/ru/photos/ алынды