Якташыбыз Кәримә Абдуллинага 90 яшь тулды

"Сарман: иң яңа хәбәрләр", 10 апрель 2024 - 17:30

581

Бүген чыгышы белән Илексаз авылыннан булган якташыбыз –Абдуллина Кәримә Шәфыйкъ кызы 90 яшьлек юбилеен билгеләп үтә.

Башлангыч сыйныфларны – туган, 5-7 сыйныфларны Мортыш-Баш авылында тәмамлагач, күмәк хуҗалыкта эшли башлый. 1952-1953 елларда Горький якларында урман кисә, шунда булачак тормыш иптәше Марс абый белән таныша.1955 елның көзендә яшьләр гаилә коралар, Анак авылында яши башлыйлар. Алты балалары – бер малай, биш кызлары туа. Кәримә Шәфыйкъ кызы күмәк хуҗалыкта үгез, сарык, дуңгыз карый, чөгендер эшли. 1981 елда тормыш иптәше вафат була, Кәримә апа 47 яшендә тол кала. 1984 елдан – лаеклы ялда. Хезмәт ветераны. 2017 елдан Алабуга шәһәрендә кызлары тәрбиясендә яши.