Бер капчык шикәр комының ияләре ачыкланды

Июнь ае ахырында агымдагы елның II яртыеллыгына вакытлы матбугатка язылу кампаниясе төгәлләнде. Без район газеталары “Сарман” белән “Новый Сарман” газеталарына язылучылар арасында шикәр комы уйнатырга вәгъдә биргән идек. Узган җомгада, шулай итеп, аның ияләре ачыкланды. Г.Минһаҗетдинова (“Фотоэксклюзив” салоны аша язылган), Илсур Камалетдинов, Л. Хәбибуллина (“Ләйсән” балалар бакчасы), Г.Гайфетдинова (аграр көллият), Равил Садыйков (Иске Әлмәт мәктәбе), Миләүшә Гарипова, Хәния Әхмәтова (район үзәк хастаханәсе), Гөлшат Солтангалиева, Земфира Садыйкова (район үзәк хастаханәсе), Р. Гыйльфанов (район хакимияте) 5шәр килограмм шикәр комына ия булдылар. 

Җиңүчеләребезне котлыйбыз! Киләчәктә дә безнең белән калыгыз, “Сарман” һәм “Новый Сарман” белән бергә булыгыз, кадерле дуслар! 

Шикәр комын редакциягә килеп алырга мөмкин. Без вакытлыча мәгариф бүлегенең икенче катына урнаштык.