Хезмәт ветеранын юбилее белән тәбрикләделәр

Озак еллар җитәкче постларда хезмәт куйган, районның иҗтимагый, икътисади-сәяси тормышына зур өлеш керткән хөрмәтле райондашыбыз Сафина Зөлфия Гайнан кызына 70 яшь тулды.

Олуг юбилее белән хезмәт ветеранын район Советы аппараты җитәкчесе Юлия Исмәгыйлова тәбрикләде, изге теләкләрен җиткереп, район башлыгы Фәрит Хөснуллинның Рәхмәт хатын, истәлек бүләге тапшырды. Мәшгульлек үзәге директоры Гөлнара Хәйбрахманова да остазын тәбрикләп, хезмәттәшләренең сәламен җиткерде, хәерле гомер, тигез тормыш теләде. Без дә Зөлфия Гайнановнага сихәтлек, күңел тынычлыгы телибез.