Сарман гимназиясендә укытучыларны биеп каршы алдылар +ВИДЕО

Безгә белем һәм тәрбия биргән укытучыларыбыз, тормыш тәҗрибәсе тупларга ярдәм иткән остазларыбыз белән һәрберебез горурланабыз һәм аларга бары тик рәхмәт һәм хөрмәт сүзләре җиткерәбез. Мәктәпне тәмамлап чыгуга ничә дистә еллар үтсә дә, яраткан укытучыларыбыз хакындагы хатирәләр күңелдә саклана.
Бүген Сарман гимназиясендә бәйрәм иртәсе күңелле башланды. Эшкә килгән һәр мөгаллимне Укымышлы ябалак каршы алды, изге теләкләрен җиткерде. Ә укучылар ярату һәм хөрмәт хисләрен дәртле биюләре аша җиткерделәр.

Альбина Сабирова