Район башлыгы Фәрит Хөснуллин Социаль хезмәткәр көне белән тәбрикли

Социаль хезмәткәр – иң гуманлы һәм кешеләр өчен кирәкле һөнәрләрнең берсе, ул югары әхлаклылыкка ия булуны, кеше язмышын ихластан кайгыртып, үзеңне моңа фидакарьләрчә багышлауны таләп итә. Социаль өлкә елдан-ел камилләшә, заманча технологияләр кертелә. Әмма социаль хезмәткәрнең кешелек сыйфатларын бернәрсә дә һәм беркем дә алыштырмый. Сез күп гаиләләрнең беренче ярдәмчеләренә әйләндегез, катлаулы тормыш хәлләренә юлыкканнарга – ветераннарга, инвалидларга, балаларга, күп балалы һәм матди хәле кыен булган гаиләләргә ярдәм кулы сузасыз. Һөнәри бурычларыгызны үтәү кысаларыннан чыгып, аларны үз тәрбиягезгә алып, күп очракта мондый кешеләрнең гаилә әгъзасына әвереләсез дияргә мөмкин. Һөнәрегезгә тугры калып, эшегезгә намуслы каравыгыз, битараф булмаганыгыз өчен рәхмәт. Сезгә ныклы сәламәтлек, куанычлы тормыш, имин көннәр телим. 
Фәрит Хөснуллин, муниципаль район башлыгы