Әнисә апага - 90 яшь, диләр

"Сарман: иң яңа хәбәрләр", 21 август 2022 - 08:05

631

Җәлил поселогында яшәүче Гарипова Әнисә Фатхел кызына 90 яшь тулды.

Әлеге яшьне ветеранга һич тә биреп булмый әле. Аның күңеле дә, йөзе дә олыгаймаган. Юбилярны район Советы аппараты җитәкчесе Юлия Исмәгыйлова тәбрикләде, изге теләкләрен җиткереп, Рәсәй Президенты Владимир Путинның Котлау открыткасын, район башлыгы Фәрит Хөснуллин исеменнән истәлек бүләге тапшырды. Район социаль яклау бүлеге начальнигы Лилия Гыйльметдинова, "Шәфкать" үзәге директоры Гөлнара Хуҗина, посёлок Советы эшләре белән идарә итүче Гөлнара Гарифуллина, якыннары да җылы котлау сүзләре ирештерделәр.