Безнең укытучыбыз - иң-иңе! Әйдәгез,киттек....

5 октябрь - Укытучылар көне. Тормышларын, гомерләрен яшь буынга ныклы белем һәм төпле тәрбия бирүгә багышлаган мөхтәрәм мөгәллимнәребез бәйрәме. Кулларыбызга каләм тотып язарга, хәрефләрне янәшә тезеп, авазлардан сүз ясарга, укырга, язарга, санарга өйрәткән хөрмәтле укытучыларыбызга без ихластан рәхмәтле. Бу тормышта нинди дә булса дәрәҗәгә ирешкәнбез икән, монда безнең укытучыларыбызның да өлеше зур. Күзәтүләргә караганда, укытучының үзен яратсаң, аның фәнен дә яратып үзләштерәсең. Берсүзсез, алар һәрберсе тирән ихтирамга лаек. Шулай да безнең һәркайсыбызның яраткан укытучысы бар. Әйдәгез, шуларны барлап алыйк әле. Кемнәр алар иң-иңнәр?