Чаллыда ике яшьлек кызын ачлыктан интектергән анага штраф салганнар
Полицейскийлар ишекне ватып кергәч, коточкыч хәлдәге ике яшьлек баланы күргәннәр.
Чаллыда ике яшьлек кызын ашатмыйча интектергән анага штраф салганнар, дип хәбәр итә «Челнинские известия» газетасы.
Бу хакта полициягә күп балалы хатынның күршеләре мөрәҗәгать иткән. Урынга килгән тәртип сакчыларына беркем дә ишек ачмаган. Фатирда бер баланың елаган тавышы гына ишетелгән.
Полицейскийлар ишекне ватып кергәч, коточкыч хәлдәге ике яшьлек баланы күреп алганнар. Кыз ач ятып шулкадәр хәлсезләнгән ки, хәтта сөйләшә һәм йөри дә алмаган. Сабыйга табиблар тиешле медицина ярдәме күрсәткән.
Үз баласына ваемсыз мөнәсәбәт күрсәткән ананы хөкем иткәннәр. Суд залында ул елаган һәм тәүбә иткән, балаларын алып китмәүләрен сорап ялварган.
Судья күп балалы анага 5 мең сум күләмендә штраф салган.
Фото: https://pixabay.com
Следите за самым важным и интересным в Telegram-каналеТатмедиа
Нет комментариев