Сарысаз Тәкермәннән Алмаз Вахитов район Сабантуеның абсолют батыры булды

"Сарман: иң яңа хәбәрләр", 10 июнь 2023 - 18:24

1608

Сабантуйларының күрке булып милли көрәш санала.

Гадәттә кечкенәләрдән башланган бил алышу танылган көрәшчеләр чыгышы белән тәмамлана. Кайберәүләр бәйрәмгә нәкъ менә көрәш күзәтергә генә киләләр. Быел да үзәк мәйдан келәмендә барган тамашаны карарга халык уртага ук җыелды. Быелгы Сарман Сабантуеның абсолют батыры булып Сарысаз Тәкермән авылыннан Алмаз Вахитов танылды. Җиңүчегә тәкә һәм акчалата бүләк тапшырылды. Көрәш батыры Сабантуй әләмен төшерү хокукына да лаек булды.