Сарманның Үзәк ял паркындагы яңа таучыгын халык яратты

Әйе-әйе, урнаштырдылар, чөнки ул агачтан ясалган. «Аннан ничек шуып булсын инде?», дисезме?
Әлеге таучыктан шуу, киресенчә, бик уңайлы. Иң мөһиме – боздан ясалган тау белән чагыштырганда, агачныкы күпкә куркынычсызрак, чөнки шуып төшкән вакытта аннан «чыгып очу» мөмкин түгел, кечкенә генә бортлар моңа комачаулыйлар. Тик, шулай да, бу куркынычсызлык кагыйдәләре турында бөтенләй онытырга була дигән сүз түгел. Аларны төгәл үтәсәгез, бәйрәм кәефен бернәрсә дә боза алмаячак. Рәхим итегез!