“Сарман”лы һәм чәйле булыгыз

15 декабрь – Халыкара чәй көне. Ә чәй безнең – иң яратып эчә торган эчемлегебез. Ул витаминнарга бик бай, тереклек сәләтебезне арттыра, көч һәм кәеф күтәренкелеге бирә.
Чәй көнен бергәләп билгеләп үтү, бергәләп чәйләп алу безнең матур традициябезгә әйләнде. Быел да райондашларыбызны – абунәчеләребез, төркемдәшләребезне һәм барлык чәй яратучыларны редакциябездә Чәй көненә көтеп калабыз. Бу көнне Сез шушында – редакциядә үк “Сарман” һәм “Новый Сарман” газеталарына языла һәм бүләкле дә була алачаксыз. Сезнең өчен әзерләнә торган сюрпризыбыз моның белән генә бетми әле. Бу көнне ташламалы ункөнлектә – 5-15 декабрь көннәрендә язылучылар арасында лотерея уены да оештырачакбыз. Төп приз – зур һәм матур чын чыршы. Чәй көненә рәхим итегез, “Сарман”лы һәм чәйле булыгыз, кадерле дуслар!

РЕКЛАМА
Филиал АО ТАТМЕДИА "Сарман ИРЦ"