Сарманда Май чабу бәйрәмен билгеләп үттеләр
Май чабу – христианнарның язгы көн һәм төн озынлыгы тигезләшкән көн. Ул ел саен районда да зурлап билгеләп үтелә.
Бәйрәм белән сарманлыларны мәдәният бүлеге начальнигы Гөлназ Латыйпова тәбрикләде. Бәйрәм күңелле җырлар, биюләр һәм уеннар белән дәвам итте. Сарманлылар аркан тарттылар, капчык киеп йөгерделәр, чаңгыда узыштылар, түгәрәк уенда һәм башка күңел ачу чараларында катнаштылар. Район авыллары мәдәният йортлары каршында эшләп килүче фольклор ансамбльләр бәйрәмгә матур ямь өстәделәр. Район үзәк китапханәсе хезмәткәрләре дә бәйрәм кунакларын кайнар чәй һәм тәмле коймак белән сыйладылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев