Район халкы тарихи кроссворд чиште +ВИДЕОЛАР

"Сарман: иң яңа хәбәрләр", 25 гыйнвар 2020 - 18:10

1120

Бөек Җиңүнең 75 еллыгы уңаеннан, Мәскәү педагогия университеты "Бөтенрәсәй тарихи кроссворд" акциясе оештырган.

Аңа районның үзәк китапханә коллективы да кушылды һәм кроссворд чишәргә, тарих өлкәсендә аң-белемнәрен сынарга район халкын да чакырды. Кроссворд өчен материалларны Мәскәүдән җибәргәннәр, һәм алар махсус кәгазьдә. Бүген, 25 январьдә, Россиянең төрле төбәкләрендә 15.00 сәгатьтә бу чара башланып китте. 14 яшьтән өлкәнрәк һәркем анда катнаша алды. Бу чарада барлыгы 30 кеше катнашты. Кроссвордны 1 сәгать эчендә чишкәннән соң, видеода аның дөрес җаваплары яңгырады, һәркем үзенең белем дәрәҗәсен билгели алды.