Районда Россия көнен билгеләп үттеләр

"Сарман: иң яңа хәбәрләр", 12 июнь 2023 - 19:46

777

12 июньдә Россия көне билгеләп үтелә.

Шул уңайдан бүген район үзәк ял паркында тантаналы чара үтте. Балалар Россия флагы фонында кунакларны төрле телләрдә каршы алдылар. Район башлыгы Фәрит Хөснуллин райондашларны бәйрәм белән котлады, 14 яше тулган балаларга Россия гражданының төп документын – паспорт, истәлекле бүләкләр тапшырды. Шулай ук ул район Сабан туе кысаларында узган иң матур милли образга бәйге җиңүчеләрен дә бүләкләде.
Бүген әле ял паркында Кичке Сабантуй да үтә. Анда чакырылган артистлар чыгыш ясыйлар, спорт уеннары оештырыла, сәүдә нокталары, уен мәйданчыклары эшли.