Мөмкинлекләре чикле булса да, машинаны оста йөртәләр

"Сарман: иң яңа хәбәрләр", 2 декабрь 2022 - 13:54

903

Бүген мөмкинлекләре чикле ир-егетләр арасында машина йөртү осталыгына район бәйгесе үткәрелде.

Бәйге ике этапта уздырылды. Анда катнашучылар юл хәрәкәте кагыйдәләре буенча билет сорауларына җаваплар бирделәр, машина йөртү осталыкларын күрсәттеләр. Нәтиҗәдә I урынга – Петровка Завод авылыннан Илгиз Шәяхмәтов, II урынга – Ләкедән Илдус Әгъләмов, III урынга Юлтимер авылыннан Мозаффар Исхаков лаек булды. Кормаш авылыннан санаулы көннәрдән соң 89 яшен тутырырга җыенучы Гомәр Миңнегалиев һәм Чукмарлыдан Мисбах Ризатдинов та алардан әллә ни калышмадылар.
Бәйгедә катнашучыларны район башлыгы Фәрит Хөснуллин тәбрикләде.
- Активлыгыгыз һәм кыю йөрәгегез өчен рәхмәт! – диде ул аларга.