Матбугат үзәге игезәкләрне барлый

Бүгенге көндә дөньяда 80 миллионга якын пар игезәк исәпләнә. Статистика буенча, соңгы ярты гасырда игез туганнар ике тапкырга күбрәк туа башлаганнар. Ике тамчы су кебек бер-берсенә охшаш кешеләрнең ДНКлары бер, әмма бармак эзләре аерыла икән. Безнең районда да игезәкләр күп. Истәлекле дата уңаеннан, без игез туганнарны барлап, сайтыбызда “Игезәк парым – ярты җаным“ дип исемләнгән бәйге игълан итәргә булдык. Анда катнашу өчен, игезәкләрнең фотоларын редакциягә алып килергә я sarmangazetam11@mail.ru электрон адресына юлларга кирәк була. Җиңүче билгеләнгән бер көнне (анысын өстәмә хәбәр итәрбез) тавыш бирү юлы белән сайланачак.