Куйбышев урамында ишегалды бәйрәме үтте+ ВИДЕО

"Сарман: иң яңа хәбәрләр", 3 гыйнвар 2022 - 15:06

795

Бүген Сарманның Куйбышев урамындагы 74, 76, 78 нче йортлары каршында “Һәр йортта балкысын Яңа ел утлары” дигән исем астында ишегалды бәйрәме үтте.

Мәдәният хезмәткәрләре зурлар өчен дә, балалар өчен дә кызыклы уеннар оештырдылар. Бәйрәм аеруча балалар күңеленә хуш килде. Алар “Кыш бабай” һәм “Кар кызы” командаларына бүленеп, хәрәкәтле уеннар уйнадылар, Яңа ел турында җырлар җырладылар, шигырьләр сөйләделәр. Табышмаклар чишүдә балалар гына түгел, аларның әти-әниләре, әби-бабалары да катнаштылар. Соңыннан бергәләп биеп алдылар, истәлеккә фотога да төштеләр.
Зөлфия Шәрипова язмасы, фотолары һәм видеолары