Игәнәбашта авыл көне бик күңелле үтте

"Сарман: иң яңа хәбәрләр", 18 июль 2023 - 15:29

840

Агымдагы елның 15 июлендә Игәнәбашта авыл көне зур әзерлек белән үткәрелде.

Халык җыйган акчага бүләкләр алынды. Боларга өстәп, бәйрәмгә кайтучылар мул итеп күчтәнәчләр дә алып кайтканнар иде.
Бәйрәмне авыл җирлеге башлыгы Флер Гыйльфанов башлап җибәрде, һәркемгә күңелле ял теләде. Авыл халкы һәм кунаклар да күңел түрләрендә йөрткән сүзләрен җиткерделәр. Уеннарда җыелган халык барысы да бердәм катнашты. Халкыбызның милли уеннары, төрле кызыклы бәйгеләр оештырылды. Җиңүчеләргә, авыл тормышында һәм уеннарда иң актив катнашучыларга, юбилярларга бүләкләр тапшырылды.
Халык очрашудан бик канәгать калды. Аңа барлыгы 400 ләп кеше җыелган иде.