Газинурның фоторәсемен Казан паркындагы күргәзмәгә урнаштырганнар

Башкалабызның Горький исемендәге паркында "Яшь профессионаллар" (WorldSkills Russia) IX Милли чемпионаты җиңүчеләренә багышлаган урам фотокүргәзмәсе ачылган. Ул октябрь ае буена эшләячәк. Күргәзмәдә райондашыбыз - Сарман аграр көллияте укучысы - берничә ел рәттән бәйге җиңүчесе булган Әлмәт авылы егете Газинур Марат улы Гайнетдиновның фоторәсеме дә урнаштырылган.