Җәдикәүдә яз җиткән

Табигатьнең әллә ниди көтелмәгән могҗизалары бар инде. Гаҗәпкә калырлык! Алтын көз җитте, озакламый кышка керәбез, дип йөргәндә, Җәдикәү авылында сирин агачы чәчәк аткан. Могҗиза, дими, ни дисең тагын?
- Хуш исле, матур итеп чәчәк аткан сирин, - ди әлеге күренешне видеога төшереп, тарихка кертүче районыбыз кунагы.
Булмас, димә, дөнья бу, җәмәгать. Яхшыга юрыйк. Ил-көннәребез тыныч булсын, хәвеф-хәтәрләр күрергә язмасын.

Альбина Сабирова