Диффенбахиянең чәчәк атканын белә идегезме?

Редакциядә чүлмәктә шау чәчәктә утырган әлеге гөлгә ничек игътибар итмисең?! Тик агулы гөл икәнен дә истән чыгармыйк. Диффенбахия гөле тамгалы, яшел, зур, матур яфрагы һәм чәчәге белән үзенә җәлеп итеп торса да - ул агулы. Шуңа күрә аны балалар булган урынга кую тыела. Яфракларын тузаннан арындырган очракта кулга резин перчатка киеп эшләргә киңәш ителә. Бу гөл яктылык һәм су ярата.