Бүген илебездә Яраткан диван көне билгеләп үтелә

Бәйрәмгә кайчан нигез салынганлыгы билгеле түгел. Һәрхәлдә, аны Россиядә кимендә 2014 елдан бирле беләләр. Чөнки нәкъ менә шушы елның 17 августында Саратовта шәһәр урамнарының берсендә дөньядагы иң озын диван ясала. Ул 1 километр 5,61 метр озынлыкта була. Әлбәттә, мондый диванны өйгә сыйдырып булмый. Ә менә экспертларның киңәше райондашларыбыз өчен дә файдалы булыр дип уйлыйбыз.

Шулай итеп, нинди диван сайларга?

— Диванның размеры ул урнаштырылачак бүлмәгә пропорциональ булырга тиеш.

— Бүлмәне зоналарга бүлү өчен, диванның формасы әһәмиятле. Әйтик, почмаклы диван белән ял һәм аралашу зонасын бүләргә мөмкин.

— Диван тышының төсен бүлмәнең гомуми тонын истә тотып сайларга кирәк. Иң мөһиме — диванның төсе стена яки идән төсендә булмаска тиеш.

— Каркасның чыдам материалдан — агач яки металл булуы яхшы.

— Диванның тышына игътибар итегез. Ул тефлон яки дымга чыдам булырга тиеш. Бу очракта аны чистарту җиңелрәк.

— Диван уңайлы булырга һәм сезгә ошарга тиеш.

ФОТО