Саклаубаш бүлекчәсендә чәчүлекләрне тукландыруга керештеләр

"Сарман: иң яңа хәбәрләр", 17 март 2020 - 15:32

1192

Бүген “Туган як” агрофирмасының Саклаубаш бүлекчәсе хезмәтчәннәре уҗымнарны тукландыру эшенә керештеләр.

Биредә бүген аммиак селитрасы көзге бодайның - 180, күпьеллык культураларның 210 гектарында кертелгән. Бүлекчә җитәкчесе Ирек Хәертдиновның хәбәр итүенә караганда, ашламаны барлыгы 1400 гектарда кертү планлаштырылган. Бу эшне 7 көндә төгәлләргә уйлыйлар.
- Үсентеләр әйбәт кышладылар. Басу бүгенге көндә йөрерлек. Бары тик һава торышының уңай булуы гына кирәк, - ди бүлекчә җитәкчесе.
Зөлфия Шәрипова язмасы, Гөлнара Бикбулатова фотолары