Җәлил поселогында яшәүче Александр Семенович 90 яшьлек юбилеен билгеләп үтте

Аны олы юбилее белән район җитәкчелеге исеменнән район башлыгы урынбасары Гүзәл Гәрәева тәбрикләде, Россия Федерациясе Президенты Владимир Путинның Котлау хатын һәм район башлыгы бүләген тапшырды, ветеранга иң изге теләкләрен җиткерде. Ветеранны гомер бәйрәме белән шулай ук Җәлил җирлеге Башкарма комитеты җитәкчесе урынбасары Гөлназ Идиатуллина, “Җәлилнефть” идарәсе профсоюз комитеты рәисе Владимир Филимонов, идарәнең ветераннар советы рәисе Әнәс Борһанов, хезмәттәшләре һәм якыннары тәбрикләделәр, тагын бик күп еллар матур гомер кичерүен теләделәр.