Дүсемдә Рафига апаның 90 яшьлек юбилеен бәйрәм иттеләр

Шириязданова Рафига Ширияздан кызы шушы авылда туса да, бүгенге көндә улы белән килене гаиләсендә Җәлилдә яши.

Олуг юбилее белән ветеранны район башлыгы урынбасары Гүзәл Гәрәева тәбрикләде, Рәсәй Президенты Владимир Путинның Котлау хатын һәм район башлыгы Фәрит Хөснуллин исеменнән истәлек бүләге тапшырды. Район социаль яклау бүлеге начальнигы Лилия Гыйльметдинова, район ветераннар советы рәисе Нәҗип Миңнеголов, "Шәфкать" үзәге директоры Гөлнара Хуҗина, Ләшәү Тамак авыл җирлеге башлыгы Илфат Хәбибуллин, аның урынбасары Альфинур Рашитовна, балалары, оныклары, күршесе иң матур теләкләрен җиткерделәр.

Альбина Сабирова язмасы һәм фотолары.