Иске Минзәләбашта яшәүче Вәсимә апага 90 яшь тулды

10 февральда Иске Минзәләбаш авылында яшәүче Мирханова Вәсимә Әхмәтхан кызына 90 яшь тулды. Алар тормыш иптәше белән биш бала тәрбияләп үстергәннәр. Бүгенге көндә тормыш иптәше вафат, Вәсимә апа ялгызы яши.

Вәсимә апа урта мәктәптә укытучы булып эшләгән.

1961-1974 елларда Иске Минзәләбаш авыл советы рәисе булып эшләп, лаеклы ялга чыккан.

Ветеранны юбилее белән котларга Сарман муниципаль районы Советы аппараты җитәкчесе Фәндәс Вәлиев, авыл җирлеге башлыгы Әлфинур Мияссәрова, урта мәктәп директоры Фәнүс Шәяхмәтов, үзе белән бергә озак еллар авыл Советында сәркатип булып эшләгән Расиха Гыйбадуллина килделәр.