Карамалы авылында Мәрьям апага 90 яшь тулды

9 гыйнварда Карамалы авылында гомер итүче Фазлыева Мәрьям апага 90 яшь тулды. Аны котларга Сарман муниципаль районы Советы аппараты җитәкчесе Фәндәс Вәлиев һәм Александровка авыл җирлеге башлыгы Рафаэль Хәйруллин килделәр. "Әниебез бик үҗәт, сабыр холыклы һәм тормыш сөючән", - ди аның турында кызы. Бүгенге көндә Мәрьям апа балаларының һәм оныкларының кадер-хөрмәтен тоеп, сөенеп яши. "Шушылай искә алып, зурлап килгәнегез өчен зур рәхмәт сезгә", - дип, озатып калды ул кунакларны.