Саклаубашта Мирсәяф бабайга 90 яшь тулды

Саклаубаш авылында яшәүче сугыш һәм хезмәт ветераны Мирсәяф Хәкимуллинга 20 ноябрьдә 90 яшь тулды. Ул гомере буе "Тукай" совхозында юл салу эшендә хезмәт итте. Ветеранны котларга муниципаль район Советы аппараты җитәкчесе Фәндәс Вәлиев, халыкны социаль яклау идарәсе начальнигы Салават Фәретдинов, Саклаубаш авыл җирлеге башлыгы Әлфис Әхмәтгәрәев, мәктәп укучылары, якыннары, туганнары килде. Алар ветеранга иң изге теләкләрен ирештерделәр.