Мәрьям апа 90 яшьлек юбилеен билгеләп үтә

Бүген, 27 ноябрь көнне, Сарманда яшәүче Садыйкова Мәрьям Садыйк кызына 90 яшь тулды. Аны олы юбилее белән район башлыгы урынбасары Гүзәл Гәрәева тәбрикләде, район башлыгы һәм үз исеменнән иң матур теләкләрен җиткерде, Россия Федерациясе Президентының Котлау хатын тапшырды. Юбилярны шулай ук Сарман авыл җирлеге башкарма комитеты җитәкчесе Николай Сахуриев, "Шәфкать" үзәге директоры урынбасары Эльмира Ибраһимова тәбрикләделәр, аңа сәламәтлек, килер көннәренең матур булуын теләделәр.

Мәрьям апа турындагы тулырак язманы газетабызның киләсе саннарының берсендә укый аласыз.

фото һәм язма материалны Зөлфия Шәрипова әзерләде