Бүген мәдәният йортында район ветераннар Советы оешуга 30 ел тулу уңаеннан зур чара булды

Өлкәннәребез иң элек мемориаль комплекска чәчәкләр салдылар. Юбилей конференциясендә республиканың көньяк-көнчыгыш, аерым алганда, Алабуга, Әлмәт, Лениногорск, Азнакай, Ютазы, Баулы районнарыннан килгән ветераннар Советлары рәисләре катнаштылар. Котлау сүзе белән район башлыгы Фәрит Хөснуллин чыкты. Татартстан ветераннар оешмалары Советы рәисе Хәбир Иштирәков район ветераннар оешмасы эшчәнлегенә уңай бәясен бирде. Бу көнне бүләкләүләр дә күп булды. Ветераннар хөрмәтенә район үзешчәннәре матур чыгышларын бүләк иттеләр. Ветераннар ансамбльләре чыгышлары да ямь өстенә ямь булды. Чара хакында тулы язма - газетабызның алдагы саннарында.