Азалакта яшәүче Тәкъсинә апа туган көнен билгеләп үтә

Кичә, билгеле булганча, Өлкәннәр көне билгеләп үтелгән иде. Ә бүген, 2 октябрь көнне, Азалак авылында яшәүче Садвакасова Тәкъсинә Хәбибулла кызына 84 яшь тулды. Аны Өлкәннәр һәм туган көне белән "Шәфкать" үзәге директоры Гөлнара Хуҗина, үзәк хезмәткәрләре, Азалак авылының мәдәният һәм китапханә хезмәткәрләре, якыннары һәм башкалар тәбрикләделәр, иң матур теләкләрен җиткерделәр, истәлекле бүләк тапшырдылар.

Шунысын да әйтергә кирәк: Тәкъсинә әби Фирдания Хәмидуллина гаиләсендә әле берничә ай гына яши... Бу хактагы тулырак язманы газетабызның киләсе саннарының берсендә укый аласыз.