Милләтпәрвәр сарманлылар тырыш хезмәтләре өчен бүләкләнделәр

Милләтебез алдындагы олы хезмәтләре, халкыбызның телен, мәдәниятен үстерүдә, гореф-гадәтләребезне саклап калуда башкарган зур эшләре өчен район башлыгы Фәрит Хөснуллин, район Башкарма комитеты җитәкчесенең социаль мәсьәләләр буенча урынбасары Индира Сәхипова, "Ак калфак" татар хатын-кызлары республика иҗтимагый оешмасының район бүлекчәсе җитәкчесе Зәния Вафина, шул ук оешманың Сарман бүлекчәсе җитәкчесе Дания Зиннәтуллина, районыбызның чигү осталары Вәсилә Сәлемгәрәева, Мәрьям Кәрамиева, Сарман гимназиясе укытучысы Наҗия Миңнуллина, Сарман аграр көллияте укытучысы Асия Хәбибуллина Бөтендөнья татар конгрессы Башкарма комитетының Рәхмәт хаты белән бүләкләнделәр.